Թբիլիսիում ադրբեջանցիները պահանջում են ապամոնտաժել Արցախյան ազատամարտի մասնակցի հուշարձանը

Թբիլիսիում Վրաստանի խորհրդարանի շենքի դիմաց ադրբեջանական համայնքի ներկայացուցիչները բողոքի ակցիա են իրականացնում՝ պահանջելով արցախյան պատերազմի մասնակից Միքայել Ավագյանի հուշարձանի ապամոնտաժումը, որը տեղադրվել է Ախալքալաքի Բուգաշեն գյուղում:

Բողոքի ցույցին մասնակցում են նաև մի քանի վրացիներ, որոնք կարծում են, որ Ավագյանը կռվել է Աբխազիայում։

«Դա կարելի է դիտարկել որպես սադրանք, քանի որ այն համաձայնեցված չի եղել կենտրոնական իշխանությունների հետ: Ես գիտեմ, որ նա անջատողական է եղել, նա կռվել է ձեր և մեր դեմ Աբխազիայում»,- ասել է հանրահավաքի մասնակիցներից մեկը` Գեորգի Գոգուան ադրբեջանական հեռուստաալիքին տված հարցազրույցում:

Միևնույն ժամանակ Գոգուան նշել է, որ ինքը չգիտի՝ արդյոք Ավագյան հուշարձանը պետք է ապամոնտաժվի, թե ոչ:

> Միացեք ArmNews լրատվական ֆեյսբուքյան խմբին <

Վրաստանի խորհրդարանի ադրբեջանցի պատգամավոր Ազեր Սուլեյմանովը նույնպես մասնակցում է ակցիային պնդելով, որ պետք է հրատապ ապամոնտաժել Միքայել Ավագյանի հուշարձանը:

https://armday.am

Be the first to comment on "Թբիլիսիում ադրբեջանցիները պահանջում են ապամոնտաժել Արցախյան ազատամարտի մասնակցի հուշարձանը"

Leave a comment

Your email address will not be published.


*


ԴԻՏԵԼ